
老實講,佢嘅熱狗唔係特別美味,只不過係超抵食,香腸比市面賣嘅較長,醬料自己任唧,仲配埋一杯可以添飲嘅汽水,只係十蚊!(現在可能加價了?)真係不得了,每次去宜家家居都見到後生仔女行夠玩夠就入去買黎食,好似變成宜家家居必買ITEM一樣。(或許你會覺得去傢俱店舖食熱狗很荒謬,但事實上真係唔少人會特登去買。)
大概係熱狗套餐嘅成功,爆谷、新地筒等等小食都吸引唔少人幫襯,去宜家家居變相係去食野多過真係買傢俱。於是宜家家居亦喺某幾間分店提供正餐,就好似一個中途休息站咁,大家睇完大型傢俱之後,食番一碟意粉,再繼續行去睇下小型家品。同熱狗套餐一樣,正餐價錢比起外面食餐飯都要便宜少少,而且菜色都幾多、幾特別。


而筆者最近去過一次,發現有煙肉香腸卷,兩樣都係筆者十分喜愛嘅食物,味道唔錯的,而且都算大大舊,好入味,大家下次去行都不妨試試:P
因為讀緊廣告科,於是諗到:喺一間至少有兩三層嘅大型傢俱店舖提供食物給顧客,令佢地可以暫時休息坐坐、食下傾下買邊款傢俱,留住佢地耐啲,仲搶埋外面食肆嘅生意,結果多一筆額外收入,嗯,睇怕都係行銷策略果啲野黎架喇……(所以我應該中計了!)不,應該係大家都中計了。(笑)
如果你都有試過去宜家家居食野嘅經驗,或者都黎SHARE下啦:)
(部分照片來源:OPENRICE)
沙田個間ikea有燒牛肉,都唔錯
回覆刪除肉丸當然正,配上果醬更有北歐風情
不過自德褔ikea搬左去megabox就少去左好多
MEGABOX我都會去但真係去少左好多._.
刪除IKEA耐唔耐會有一兩個新款推出
所以耐唔耐先去食都OKAY架喇:D
肉丸係主打:D
以前響讀九龍灣HKU SPACE個時IKEA係我既飯堂!
回覆刪除但我冇見過你既XDDD
刪除而家PIAGO果度都有好野食既:P