同麥兜一齊食包啦！

說起「包」，筆者不其然想起了充滿本土風情的麥兜的名曲：
「大包整多兩籠，大包整多兩籠，唔怕滯……」

（畫面質素係差左d，不過好在字幕清楚。呢段片已經係我揾到嘅比較好嘅版本喇。） 


還有，下面這一首由黎根大叔以高八度、歌劇式地演唱吃包的感慨： 

（筆者係第一次發現有呢一首歌，同埋第一次聽咋，覺得聽完一次咪算囉~~。） 

看完上面兩段片之後，不難發現麥兜和黎根大叔都很喜歡吃包。
其實，筆者也是個麵包愛好者，
幾乎每天也吃麵包的。
但是吃得多，有時候總會想換換口味。
於是，筆者上星期便改為吃蒸包。
蒸包給我的感覺是較為健康，
至少比一般麵包沒那麼「熱氣」。
立即去圖看看！

星期日：黑椒叉燒包 　 

呢個包嘅外形比較特別，係三角形嘅。
佢入面d叉燒粒都幾多，而且仲有叉燒汁係入面。
食落口之後，濃味嘅叉燒汁同埋叉燒粒，
配上淡味的蒸包外皮，味道剛剛好。
別忘記，佢d餡入面仲有黑椒，所以有少少辣味，
令到味道的層次更加豐富。
筆者食完一個之後，真想食多一個！
（筆者可以接受到呢種程度嘅辣，相信大部分人都接受到。
之前筆者食過一種咖哩牛肉批，就真係頂唔順佢隻辣喇，
有興趣可以睇下五個派&撻的滋味）


星期一：客家蘿蔔包 

包如其名，中間肥，兩邊較窄，似一個小小蘿蔔。
佢入面d餡有一條條嘅蘿蔔絲、細細粒嘅蝦米。
食落口，覺得d蘿蔔絲幾爽口，蝦米都幾香，
仲有少少胡椒粉味。
個人覺得呢個包比較清淡一d，
而入面d蝦米，五隻手指都數得晒，
真係唔明白，點解咁吝嗇d蝦米呢？
唔通d蝦米仲貴過d叉燒？

星期二：菜肉包
  佢嘅外形都幾靚，圓碌碌的，有d花紋點綴。
入面d餡就係白菜同豬肉，
味道同一般菜肉包差不多。

上面三個包，
是在我家附近的商場，
一間名為「一品堂」的店鋪買的，
全部只需港幣4元。
個人覺得十分抵食，
食一個已經很飽肚啦！

其實，在同一個商場中已經有3間麵包鋪了，
但它是唯一一間售賣蒸包的。
更難得的是這是一間自家經營的小店鋪，

賣的包點也甚有特色，

所以生意也算不錯。

近幾年來，經常也有一些店舖因為
租金昂貴、同行競爭激烈等原因，而結束營業，

真的十分可惜。
希望這間小店鋪可以「長做長有」吧！

這次筆者只說了吃過的其中三個蒸包，
在下星期，筆者會續說另外的四個，

想知道的你、你、你，
記得留意續集喇~

不知道大家喜不喜歡吃包呢？有吃過甚麼特別的包嗎？
歡迎留言和筆者談談!! 
歡迎點擊舊文：
小食類： 我要食小丸子!!
西式的：五個派&撻的滋味　　
日式的：爭先恐後買壽司
親自下廚篇：忙裡偷閒玩下廚－－加料香酥餅
新年飲食篇：新年記食
展覽系列：美食@科學館(一)　、美食@科學館(二)　、美食@科學館(三)