麥當當：點了就後悔的食物

喺麥當勞，所有食物你都可以去試下，唯獨係以下三款，需要特別注意。雖然佢地無毒性、無變壞，亦無損健康問題，不過筆者認為三款都唔應該去試。原因係咩？一，係難食；二，係奇特嘅製作過程。當然，味道因人而異，筆者都好鼓勵大家去做死士的：Ｄ

賣相「出位」而氣味「驚為天人」：青檸味泰椒醬

2010年點JACK系列，推出五款為麥樂雞而設嘅醬料，其中以青檸味泰椒醬最令我印象深刻。未打開都覺得深綠色包裝略為驚奇，一打開……見到綠色黏黏稠稠的都算了！陣陣怪味飄出黎令人難以嘗試佢真實嘅味道。不過筆者曾經被人懲罰而去試食，味道雖然古古怪怪，唔算好辣，但比起外觀同氣味，食落唔算難食。

可惜人類係以貌取人嘅生物，咁綠而又咁嘅氣味，所以當年佢嘅結局，就係派到過哂期都派唔完……

佢嘅同伴蒜蓉辣椒醬，亦都係同一命運，皆因兩者都係辣、都係打開出現濃烈而刺鼻難聞嘅氣味，令人一試難忘，以後都唔想再試。不過紅色比綠色更似醬料，所以相較之下蒜蓉辣椒醬比較可以接受吧。（大抵因為咁所以2011年依然見到佢重現市場）



神奇水製作：蕃茄海鮮湯

海鮮湯，相信大家喺麥當當買得黎飲都唔預佢會有海鮮在內。的確，佢只有龍蝦味，有蕃茄蓉，仲有……唔知到底係煲過嘅熱水定還是水喉開出黎嘅水呢。

話說有一次親眼目睹製作過程，其中Ａ君指責Ｂ君喺度將水喉水同湯蓉混合，但Ａ君就聲稱應該用熱水，不過最後當然係用番果一煲湯拎去賣啦。雖然係有煲湯嘅程序，但望見係水喉水，筆者從此之後唔敢飲麥當當嘅湯……

即使衛生方面未出現問題（一直都冇人投訴），可惜對湯類已經冇信心，特別係前排新聞話水質唔好，令筆者對湯類更加心慌。




即使以上食物可能只令筆者同部分人覺得恐懼，但大家睇完之後，唔知仲會唔會去一嘗怪味呢？或者大家曾經試過上述食品的話，可以留言交流一下ＸＤ最後一篇麥當當系列完結喇，多謝大家支持爆料。

以下係兩篇麥當當系列，歡迎重溫：
麥當當：食物飲品搵你笨
http://hohosix.blogspot.com/2012/02/blog-post_8384.html

麥當當：薯條點先最好食？


http://hohosix.blogspot.com/2012/02/blog-post_23.html

 以上圖片由GOOGLE提供。