台北旅行目標篇: 台式特飲

去自遊行尋找美食和解渴特飲是一大樂趣。去過「最有口福」的旅行，非台北莫屬。很多朋友去完台北，都希望變成台北人，每晚流連於夜市之中飲飲食食。

本人計劃去台北旅行時，馬上想到的是:「我要每日飲一杯珍珠奶茶呀!」

可是到夜市後發現，著名的台灣珍珠奶茶居然很少見到，當時真的很吃驚。(香港的珍珠奶茶店似乎更多)

於是我經常喝的是這杯: 「青蛙下蛋」。

六月初去台北，因為經常下雨，天氣頗濕熱，很多時會到處找冰涼的飲料。而且那次在士林夜市，拿著一大堆手信，真的很想找個地方坐一坐。(慘痛教訓: 一開始行夜市居然「不小心」買太多鳳梨酥手信，包裝大大盒，拿得超辛苦，逛夜市的心情都沒有了。) 經過青蛙下蛋的店，先被極度醒目的招牌吸引。

走近檔口，看見放著一個好大的盆，這就是「青蛙下蛋」嗎？飲料名字奇怪，為什麼看上去這盆東西很正常!

我們不知道材料是什麼，看見一些黑色一條條的物體在盆底，友人斷定是涼粉。天氣這麼熱，這種飲料喝下去一定很爽，所以決定一試(事實上看到那一大磚冰已經想買)。之後「青蛙下蛋」果然不負我們的期待，這杯飲品異常清涼，而且裡面的珍珠也很有口感，我們一致大讚。

在台北喝了幾次「青蛙下蛋」，依然不知道是用什麼材料做的。後來查了查，「青蛙下蛋」就是珍珠粉圓直接加糖水，或者一些奶精。至於為什麼叫「青蛙下蛋」，是因其煮熟之後，中心會呈現白白的一點，看起來像是青蛙卵因而得名。

詳細資料可以參考維基:

http://zh.wikipedia.org/wiki/%E7%B2%89%E5%9C%93

除了「青蛙下蛋」，有另一杯飲料也想介紹給大家。那就是我喝過最「正」的酸梅湯: 阿媽的酸梅湯(店名)。這是在淡水的一間小店，聽說生意很好，不過我去的時候不是旺季/周末，加上是早上去，店裡居然沒有客人。這間店說他們賣的是濃縮的酸梅湯，試飲之後，果然是真材實料，好濃的梅味!! 夠酸!! (因為香港的酸梅湯實在太甜，根本不像是「酸」梅湯，和「阿媽酸梅湯」的口感差太遠了)

「阿媽酸梅湯」原料主要以梅子為主藥，首先將曬乾的梅子漬在甕裡三個月，再加上香粉、紫蘇、洛神花、菊花、百子、薄荷等釀製，一起用土窯慢火燉煮。

出處:http://blog.udn.com/th1001/2447284

爭先恐後買壽司

我每天上學都會經過一個西鐵站。
話說兩三個月之前，一間名為「爭鮮外帶壽司」的店舖開張了，
但我卻從未「幫襯」過。
原因稍後再說吧，我想先談談它的名字。
請看以下logo，你發現甚麼？

沒錯，「爭」字是簡體字，「鮮」卻是繁體字。
為甚麼呢？其實，我也不知道。

問了問店員，他們也沒能提供答案。
從官方網站中得知，「爭鮮」意謂「真鮮」，
是希望為大家提供最新鮮的食物。

我記得它剛開張的時候，
店舖外面排著長長的人龍，
一直排到與西鐵站相連的行人天橋，
估計排隊的有50-60人那麼多。
那時候，我放學6、7點經過那裡，
登時看傻了眼，
有這麼受歡迎嗎？
我遠遠地往店裡一瞧，
牆壁上大大隻字寫道：「壽司一律$3」，
這麼便宜，難怪那麼多人排隊購買了。

我之所以一次也沒有「幫襯」過，
原因有兩個：
主要是擔心價錢便宜，質素差；
第二是我經過「爭鮮」的時候，家裡也差不多開飯了，
為免吃不下晚餐，所以就此作罷。

不過經過兩三個月的觀察，我留意一直也有不少人購買它的壽司， 
心想，那裡的壽司質素應該可以接受，
不然怎能一直維持人流呢？
所以，最近我也買了一盒來嚐嚐。

雜錦熟食壽司，一盒十款，29蚊有交易。 

因為筆者是熟食主義者，對於各類魚生是沒有興趣的，
所以選擇了這一盒標明是熟食的壽司。
這一盒壽司看上去賣相不錯，
想知味道如何？繼續看下文吧！

腐皮壽司甜甜的，很入味，不過稍微油膩了一點。

魚子壽司：不過不失，個人不太喜歡魚子的口感。 

蟹柳壽司：有少許蟹柳的鮮味。

鮮蝦壽司：點上醬油，也不錯。

鰻魚壽司：薄薄的一片，鰻魚肉嫩滑，若有醬汁，味道會更好。

中華沙律壽司：爽口，有芝麻味。

玉子壽司：味道較淡，只吃到壽司醋的味道。  

螺肉壽司：螺肉「煙韌」，醬汁有點兒辣，對於不吃辣的筆者來說，勉強可接受。

櫻花蝦壽司：味道甜中帶鹹，口感有點像吃牛肉乾碎粒。  

蟹柳沙律壽司：甜甜酸酸的醬汁能帶出蟹柳的鮮味。

總結：29蚊，一次過可以試十款壽司，真的挺劃算的。

而且，味道方面也不差，有興趣的朋友不妨去試試。
個人比較喜歡腐皮壽司、蟹柳沙律壽司和鰻魚壽司。

從網上得知，「爭鮮」早於1996年在台灣成立，
一直也是走低價消費的路線。
它在2009年才進軍香港的，現時在香港也有不少分店。

我在網上發現了很可愛的東西，看：

這是台灣那邊推出的換購壽司公仔活動。

另外，「爭鮮」還精心製作了一系列的動畫，上述的公仔就是動畫中的角色，誠意推薦大家click入去看看：

參考網址：

http://sushiexpress.com.tw/sushi-express/about.php

http://sushiexpress.com.tw/sushi-take-out/index.php

麥當當：薯條點先最好食？

承接番上星期嘅麥當當環節。今次介紹麥當當美食中嘅美食。由於筆者成日喺麥當當食呢樣果樣，試過唔少「食法」，終於發現有咩係必食，有咩係必定唔可以食。而今次就係講必食部分。

去麥當當，唔食薯條唔通你去食粟米？唔好玩啦。但食薯條，筆者覺得有三個方法係特別好食。除左茄汁，其實都仲有其他配搭架！一開始係用甜酸醬，細個果陣就已經咁食。當時覺得甜甜酸酸咁真係好好食。

但人老左麻煩左，加上無聊就發現白糖加茄汁嘅效果更加好食。雖然味道係甜甜酸酸架喇，不過咬落去一粒粒嘅白糖度，口感就唔同左，而且有時候想食得更甜，就可以落多一包糖，更有說法指咁樣食薯條會冇咁熱氣，於是成為左習慣。

後來推出左SHAKE SHAKE薯條。你以為食紫菜味已經好好食？其實將紫菜同蜜糖味一齊SHAKE，又甜又鹹刺激你味蕾，係我覺得最好食嘅薯條。
（鐘意的話可以放埋麥樂雞一齊SHAKE）

另外，講番薯條本身先係最重要。有時就算堂食，佢本來未賣比你已經放左好耐，咁就一定會變「林」，果陣落咩調味都幫唔到你。咁點算呢？唯有同佢講要「即炸」薯條，或者你唔好意思咁直接，你同員工講要「走鹽」薯條，佢都係要即刻炸比你。咁就可以保證薯條係新鮮炸起脆卜卜喇！
（走鹽其實個味道差唔多，覺得唔咸可以去拎包鹽ＸＤ）

不過佢本身炸三分鐘嘅薯條其實未係最好食！只要炸多半分鐘至一分鐘，會令薯條更乾同脆，咬落去會有聲。可惜要食到呢種炸耐左嘅薯條都幾難，有興趣的話可以試下繁忙時間去叫薯條食，因為人多手腳亂，有時真係會炸到唔記得拎起佢……（又係筆者試過ＸＤ）

ＰＳ：可能你會覺得薯條味道唔同以前。因為轉左一部分係中國薯條，以前全部係外國，味道真係唔同。個人認為外國薯條係好食啲……真可惜。



最後送上一個溫馨提示ＸＤ其實薯條真係少食多滋味，而且本身熱氣，食太多始終對身體唔好。下篇，會係麥當當系列嘅最後一篇，會講有咩食物係千萬千萬唔好食！（我好認真，真係唔建議大家去試ＸＤ）

ＰＳ：講起薯條。上次有位老師提議過蝦膏配薯條（重口味），或者各位可以去挑戰下！（但筆者唔食得蝦，而且淆底ＸＤ）

上期提到：麥當當食物飲品搵你笨
http://hohosix.blogspot.com/2012/02/blog-post_8384.html
未睇過嘅話就記得追番喇！

久遺了的日式咖哩:)

三年前筆者曾經去過東京做野，記得果陣時因為日本D野食真係好貴，所以除左老細請外，基本上果個星期嘅晚飯都係起蒲田車站出門口轉左，一間細細間嘅咖哩飯餐廳度解決，因為貪佢夠平。果時筆者仲好似大鄉里出省咁(你根本就係>口<)，入到去就搵個位坐，正想搵個餐牌黎睇嘅時候就見倒個老細不定咁指住出面同UP住一堆我聽唔明嘅日文，起初我都唔知佢做乜，後來先知原來係要首先起出面部自動售賣機度買左野食先。首先入D錢落去，選擇食物，跟住佢就會起下面嘔個牌仔出黎，個原理同香港D汽水機其實冇乜分別(後來發覺原來日本好多地方都係用緊呢部機)，之後就拎個牌仔俾師傅，佢就會煮俾你食。

可能因為日日去食，後來連個老師傅(應該都係老闆，因為果間餐廳似係家族經營)都認得我，次次佢都用D我差D就聽唔明嘅英文同我吹水，顯得佢地好好客又好搞笑，果時都真係幾開心。不過重點係，果度D咖哩飯又真係幾好食，記得果排我真係差唔多試曬佢地咁多種款式，絕大部分都好好食，特吃係咖哩吉列豬扒飯，D豬扒真係有入口溶化嘅感覺，而且張檯放左幾款醃菜可以俾你自己加入去D咖哩度，咁筆者緊係有試啦，又真係幾好食個WOO>.<價錢方面又唔算貴，平均港幣30~40蚊左右，絕對係平到笑，果時起果度食飯真係會有種「幸福」嘅感覺架！到宜家都仲好掛住果度，當然仲有果度嘅咖哩飯啦T^T

時至今日，筆者都仲係好想食返果種感覺，但係失望嘅係，香港真係冇乜類似嘅店舖，自動販賣機、充滿溫馨感嘅開放式廚房、好客嘅老闆、香濃嘅日式咖哩，仲有紅色嘅醃菜都一概欠奉。一模一樣嘅就冇喇，不過相似嘅都有嘅，就好似銀咖哩餐廳咁啦~

今日筆者就去左元朗廣場間銀咖哩，未入到去就見倒外面大排長龍，好彩佢地都係買外賣架姐。其實呢間餐廳都幾似日本果D，都係以快餐嘅方式運作，要起門口買左食物先入去入面坐，不過唔同嘅係以上都係全人手運作。

好好味嘅醃菜>口<

不過比起呢D，食物似乎更加緊要。筆者今日就叫左個咖哩芝士蛋包飯，而冇叫佢地嘅招牌菜－－咖哩吉列豬扒飯，原因係上次食過覺得麻麻地，個賣相就OK，不過舊豬扒就好。講返今日，咁筆者本來對佢都唔係好大期望架喇，不過食落又唔錯WOO，個芝士同個蛋仲有D咖哩出奇地配合，加埋D紅色嘅醃菜(好多地方都搵唔倒.\"/.)落去真係好鬼好食：P  學生仲送埋杯可樂，最後27蚊就搞掂左餐晏。呢個價錢真係算係咁，其他地方都好難咁平(仲有佢地可以免費幫你加大個飯-3-)，所以應該仲會食多幾次：D

芝士蛋包飯

最後，真正嘅日本風味就搵唔倒喇，不過久唔久都可以去呢間野度止下渴嘅(起我有錢再去日本之前>"<)


















以下係筆者以前嘅文章，有興趣可以禁入去睇下^^：

情人節特輯－－香草白汁煙肉意粉

情人節精選－－明將壽司

喜慶盤菜

年宵市場中的小食

忙裡偷閒玩下廚－－加料香酥餅

最近blog友們都不約而同地寫下了煮食文章，

繼〈符碌煎牛扒〉，〈情人意粉〉、〈好友餃子〉之後，

我邊界牧羊也來湊湊熱鬧，

忙裡偷閒訓練一下自己的廚藝。

今次牧羊要弄的並不是一些很複雜的菜式，

而是相當簡單的一份早餐，

用來填飽肚子而已。

今天的主角，就是這個：

打開包裝，內有6塊薄薄的、呈圓型的香酥餅。

這次用到的材料：

香酥餅　   3塊　

雞蛋           2個

香腸           1條  （用蟹柳、火腿或者芝士腸都不錯）

蝦米          適量 （可加可不加，視乎喜好）

生菜          適量 （視乎喜好，用其他蔬菜也可，不過以多菜葉的為佳）

烹調步驟：

1﹑蝦米浸軟，待用。

2﹑將雞蛋打入碗中，加上適量的醬油，然後用筷子將它打勻。

3﹑把香腸和生菜切成粒狀。

4﹑將蝦米、香腸和生菜粒倒進蛋漿中，拌勻，待用。

5﹑燒熱平底鑊，下油。搖動平底鑊，讓油份均勻地分佈於鑊面。

6﹑放入香酥餅，煎熟，然後，將之反轉，煎另一面。

7﹑在香酥餅上倒入已調好的漿料（約佔三分一碗）

8﹑待蛋漿稍為凝固時，再把香酥餅反轉。

9﹑待蛋漿凝固，便可熄火，上碟。

10﹑重複步驟5-9，煎熟其餘兩塊香酥餅。

加些甜酸醬，更美味。

檢討：

（註：A、B、C是跟下鑊的次序排列的）

Ａ：最先下鑊的。看顏色，也知道它煎得太熟。

湊近聞一聞，還有一陣燶味。不過還是可以放入口的。

（我是在熄火時才發現，原來一直也是以中火煎餅的，唉！）

Ｂ：吸收了第一次的教訓，我這一次特別小心，

所以煎得剛好，表皮還略帶酥脆，自己覺得很滿意。

Ｃ：隱約見到有蛋汁，還未熟透。估計原因是煎了兩塊之後，

自己心急想食早餐啦，所以匆匆熄火。個人認為是煎得最差的一塊。

（哈，想不到三塊餅各有各特色^^）

牧羊覺得反轉香酥餅（步驟6＆8）是挺難的。

事前請教母親大人，她說要靠陰力，快速果斷地將它反轉。

到自己真正「落手落腳」做時，卻有些「騰雞」，

要右手握筷子，左手握鑊鏟，小心翼翼地才能成功。

總結：味道不錯，煮食的過程幾好玩啊！

差點忘了說，香酥餅是在華潤超市買的，在擺放急凍點心的地方可找到，

你可以留意第一張照片，記住它的包裝。

它是新加坡出品的中華牌， $18.9 /6塊。

有興趣的你，不妨試一試煎香酥餅，

材料可以很隨意，喜歡甚麼食材便放膽地用吧！

你有沒有試過自己下廚？煮過甚麼食物？歡迎你跟大家分享一下。

麥當當：食物飲品搵你笨

大家知唔知道，其實食麥當當，貌似價錢好平，推出廿蚊餐鬼咁吸引，不過佢有好多搵笨招數，搞到大家比足錢時食極都唔飽、飲極都唔夠。所以，呢篇網誌就會同大家分享一下個人經驗，令大家可以食得平都食得抵！

PART 1：飲品搵笨

反映現實啊= =

大家飲可樂嘅時候或者都會覺得，點解飲左兩啖就冇哂？原因就係冰塊其實佔左成個杯嘅一半。飲得可樂「走冰」會冇咁好飲，所以你地會同員工講「少冰」，不過我話你知係冇用嘅！實際上「少冰」同「正常」係冇分別，依然係比半杯冰你。所以每次叫完「少冰」之後你要記得搖下個杯，睇下Ｄ冰去到咩水平，太多冰就要同員工換過杯。

「新地樂」即係汽水加雪糕，佢就更加麻煩。因為雪糕沉落汽水度會產生好多泡沫，所以員工通常唔會比你「走冰」，咁你就要話要「超少冰」。唔係講笑，只要有三粒左右嘅冰已經可以阻止雪糕下沉，所以三粒冰可以保障你有大半杯可樂之餘，又唔怕雪糕即溶。




PART 2：雪糕搵笨

有幾可會食到咁大個新地筒啊!!!?

夏日炎炎大家或者會去買杯雪糕食下，而麥當當嘅平價雪糕亦吸引唔少人去幫襯。不過食得多就會覺得點解每次份量都唔一樣？呢種情況以新地筒最為普遍，因為有時唧得唔好，就會流哂入中間，但你又點知佢係唧得唔好、還是偷工減料呢？所以做人要精明！

其實每一款雪糕都係以圈數去計份量，新地筒應該有兩圈半，新地就應該有三圈半，麥旋風就有四圈半。如果發現比人呃秤，記得要求佢整過杯。

另一款雪糕方面嘅問題，係佢有時會好溶，或者唔新鮮。有時候一次過太多人買雪糕，佢地部新地機唔夠奶用、凍唔切，唧出黎嘅雪糕就會好核突，溶到成杯奶昔咁，夏天就真係成日都會咁樣。所以去買雪糕記得要留意佢嘅質素呢。曾經試過買一杯喺雪櫃拎出黎嘅雪糕，已經溶左半，雖然冇變味，不過比得錢就唔應該食呢啲唔知放左幾耐嘅雪糕。

PART 3：薯條搵笨

薯條，大家都鐘意食啊！連老師都話，耐唔耐就會想去買包薯條食下。之不過麥當當嘅薯條，真係可以好呃秤。佢嘅大細，在於整薯條果個人有冇好好心機慢慢去整。有時，你加大包薯條，可能拎番出黎同一包細薯條差唔多。的確，只要有技巧，細薯條都可以扮成大薯條咁拎比客人（因為筆者做過呢件事ＸＤ）咁點算好呢？

如果你見到自己包薯條望落好鬆散，即使個盒好脹，都唔好比佢呃到，請隨即用手去揸落去！會扁的話，就要求換過包大嘅。

另外，外賣果陣被偷工減料嘅機會更高架！所以除左點齊所有食物之外，都要睇下會唔會大薯條變細薯條！


以上都係筆者過去發現（做過）嘅搵笨事，希望咁樣爆料唔會比之前嘅員工打我啦！
下篇（一星期後），將會介紹如何食麥當當薯條先係最好食嘅，希望大家記得留意：Ｄ

食譜：配粥良品──肉鬆

食譜：配粥良品──肉鬆

　　每年新年過後，親戚從家鄉（福建）返港時，總會為我們家送上一大包的手製肉鬆。這些肉鬆一直是我們家的配粥良品。除了配粥吃，嘴饞時還會當作零食；沒胃口時，一碗飯，放點湯，再加點肉鬆，更是一流。

　　今年，家人興致勃勃的決定親手弄一回，筆者也有幸見識到肉鬆的炮製過程。炮製肉鬆，是一個簡單但比較費時的過程，有興趣的朋友也可以試試。

材料：豬後腿瘦肉　   一斤（大約一斤瘦肉可炒製幾兩肉鬆）
調味料：鹽  　　　　 少量
            老抽　　　   ２湯匙
            生抽　　　   ２湯匙

製法：
1. 把豬肉洗淨，切成小塊。
2. 放入鍋內，加水（剛蓋過豬肉），然後大火煮滾。
3. 水滾後，轉小火，放調味料。
4. 直到豬肉煨爛，水燒乾後，把豬肉弄碎。過程大約一小時。
5. 然後不斷翻炒豬肉碎，直到水分收乾，豬肉碎完全鬆散至肉鬆狀。過程大約半小時。
6. 炒好的肉鬆晾乾、放涼後，放入密封的袋或盒中儲存。只需存放在陰涼乾燥的地方即可。

                                                                     成品

註：
1. 若然豬肉煨爛而水未燒乾，直接把多餘的水倒走即可。
2. 炒好的肉鬆一個月內不能解決掉的，就要放進冰箱了。

博洛尼亞尋找丹麥麵包

   當各位看到「博洛尼亞尋找丹麥麵包」這個標題，也許會認為筆者今次的食評是評價一間普通西餐廳。實情是博洛尼亞BO-LO’GNE是一間日式西餐廳。而博洛尼亞BO-LO’GNE的丹麥麵包實際上是來自日本京都。這兒的丹麥麵包比傳統丹麥麵包有更多的酥皮層。

         筆者到博洛尼亞BO-LO’GNE慶祝生日，這兒的氣氛環境以舒適為主，頗適合情侶約會談心。而博洛尼亞BO-LO’GNE的晚餐以三款set-dinner為主。包括沙律、麵包、餐湯、主菜及甜品。

         說實話，博洛尼亞BO-LO’GNE的set-dinner主菜部份分別有魚、牛、雞可供選擇，味道只屬一般，沒有什麼值得推介的地方。反而這兒的丹麥麵包倒有一點驚喜，與一般的吐司有著截然不同的口感。滿口的牛油香、香脆的面層、鬆軟的質感讓人一食傾心。這兒的丹麥麵包可算是為set-dinner增加了不少分數。

        有興趣的可以單買丹麥麵包，價錢比一般吐司貴得多，一片就要八元。但是物有所值的。

沙律、 丹麥麵包、餐湯

虎蝦拼銀鱈魚配蕃茄意粉

西冷配薯蓉

十蚊飯教授的餃子

上次聽完十蚊飯教授的整餃子方法後，我趁假日有小小空閒時間就試下整餃子啦~~

首先，就係要預備材料，我準備呢款餃子係韮菜豬肉餃。

step 1:

斬碎豬肉($30)、加入胡椒粉、少量鹽、糖、魚露，斬斬斬斬斬斬斬…

step2:

切好韮菜，與碎豬肉一起拌，想麻香點可加入花椒油(喜歡吃辣的人)

step3:

                                       去街市買半斤餃子皮($6)就可以包到約50隻餃子，準備水黏邊口
step4:

                                           餃子皮幾薄，不過就容易破~

                                           加多點餡，會較容易包

step:5
用水塗抹餃子邊，係邊位按摺，大概九摺就可以，搞掂！變成一隻隻既餃子袋~

雖然賣相不太靚，但係真係好好玩！^W^

情人節特輯－－香草白汁煙肉意粉

話說今日得閒想玩下煮飯仔，所以就決定整一個白汁意粉食。正常要自己開一個白汁最基本需要有牛油、牛奶、同麵粉，其次需要香草、尤加利葉、鹽、黑胡椒等等調味……

筆者朝早仲特登醃定左D雞肉同買左D煙肉諗住用黎煮意粉，拎曬D材料出黎..點知........原來屋企冇曬麵粉..............原本諗住就咁算,但係又應承左煮俾人食....只好..............搵最HEA嘅金寶湯黎開白汁.......

時間無多，宜家就開始整呢個意粉：D

話到明煮意粉，咁就梗係要煮定D意粉先架啦，將D意粉放入滾水入面，再加入一茶匙鹽或雞粉調味，咁樣D意粉就唔會冇味：D 

意粉煮熟後就將佢地拎起，之後就拎去過一過冷河，令意粉更彈牙，不過懶嘅話可以飛過呢個步驟-3-

起煮緊意粉嘅同時，可以拎D煙肉出黎切小片，用煙肉黎煮白汁係因為煙肉本身味道比較濃，可以令白汁更香同入味。切完之後就可以拎埋D雞肉出黎，將佢地炒香。

 首先就係炒熟D煙肉先，將佢地炒至金黃色並發出香味，就可以將佢地拎起。之後就係雞肉，可以用返先頭用黎炒過煙肉GE油黎炒雞肉，因為炒過煙肉所以D油特別香架，用黎煮野食一流>口<，亦係炒熟後就可以將佢地拎起。

好喇，最後就係煮個白汁，首先就係拎出一罐HEA爆嘅金寶湯，開左個罐將入面D野倒曬入個煲度，之後再加一個罐多少少嘅水(可以多少少水嘅原因係怕加埋其他材料嘅時候佢會變返「傑」，但切忌太多水)，用中火將濃縮湯料同D水撈勻。

煮到差唔多就可以加入調味料，例如香草、鹽、黑胡椒。建議可以將個味較濃少少先，因為一陣加埋意粉嘅時候會將個味拉返淡少少。

 之後就係加入先頭炒香左嘅煙肉同雞肉，當然仲有意粉啦。呢個時候仲可以試下味，再作調整。跟手就將意粉同D汁撈勻，用中火將意粉煮至濕度適中，如果嫌慢可以開大少少個火，見倒水份開始收乾就可以熄火上碟。

完成>口<

後記：用金寶湯開白汁當然冇自己開GE白汁咁好味，因為冇得自己調較濃度同味道，而且因為金寶湯本身GE味道就好濃烈，好容易就掩蓋左食物嘅味道。(D味一食就知係用金寶湯開.__.")不過始終比自己開白汁方便快捷得多，因為要自己開白汁都係一件幾花時間同心機嘅事，由放牛油，加麵粉、牛奶呢D步驟全部都要用慢火進行，而且又要好細心咁將麵粉撈至均勻，其間又要將佢地不停咁順時針撈動，勁花心機。所以，對於忙碌嘅都市人黎講金寶湯都真係幾方便，而且又易煮，當然味道就不算是十分好，但還是可以的:):)情人節嘅時候可以考慮一下唷-3-

※我都好想有人煮野俾我食丫，點解次次都係我煮架!!!!!!點解_ _ _乜都唔識煮架>口<

唔識煮野食果位叫我多謝佢幫我影相,唔該曬你丫羅嘉怡:)