上水宵夜小販檔—豬油渣麵

  最近李金髮為捐血要增肥，平日既增肥餐單就係不停地食，仲要食埋宵夜。一講起宵夜，我就不禁想起上水火車站的不夜橋，充滿著各式各樣既小販檔，洋溢著濃濃的美食香氣。係眾多既小販檔中，就要講到我既最愛—豬油渣麵。我從來都唔食肥膏，媽媽每次煮梅菜扣肉既時候，我都會將肥膏的一部分咬掉。可是，這一碗豬油渣麵卻令我陶醉、令我愛上。

話說3年前有一日，與密友放工經過不夜橋。橫掃眾多美食既價錢都不及一碗賣12元既豬油渣麵，於是便於肚子作動和便宜的驅使下買了一碗。我問老闆：「咩係豬油渣？」老闆話：「油渣即係將豬肥腩用油榨至脆身，過程就似以痛攻痛一樣，用油去炸番肥腩肉既豬油出黎，油渣就係咁樣囉！老一輩個d人以前都成日食豬油撈飯、油渣麵嫁啦！」聽完後，真係要試下究竟係甚麼料子！

豬油本身係一樣好香既食物，加上老闆既炸工了得，件油渣咬落去卜卜脆，粗幼又適中。麵質與烏冬相似，食既時候唔會黏口。最要讚既係碗上一顆顆辛辣既冬菜粒，豬油本身好容易有道油益味，碗中的辣冬菜就係蓋住油益味既重要靈魂(唔食得辣既人最好就叫小小辣，因為老闆好重手)，好味到騰騰震~~~~~~~~~~~~~~~

依家既豬油渣麵已經加到16元一碗，風味依然。不過，為健康著想都要少食為妙，少食多滋味！

想極速增肥既可以試下~