咖啡背後

咖啡係大家都曾喝過嘅提神飲料，相信各位喺考試或趕論文前夕都不時將咖啡當作朋友一樣，常常需要佢嘅幫忙。不過，大家又知唔知道，咖啡係點沖出黎架呢？唔講方便快捷嘅即溶咖啡，平常最為人熟悉嘅大抵係cappuccino(即泡沫咖啡)、latte(鮮奶咖啡)、mocha（朱古力咖啡)等等，至於其他比較獨特嘅新口味，例如加入綠茶、焦糖等口味，擴闊左咖啡原本只有甘苦嘅味道。

咖啡製作重點一(打奶泡)　

以上種種咖啡，大家都可以喺各大咖啡店享用。喺等待咖啡師(barista)沖製時，你地又會唔會想八卦一下佢地係點樣打奶泡、點樣去拉花架呢？當中嘅過程十分複雜，但見到有圖案嘅咖啡，就覺得幾十蚊一杯都係值得嘅。作為半桶水見習咖啡師，我知道打奶泡程序做得好唔好係會決定咖啡嘅好與壞，不過因為係見習，所以我到呢一刻都係唔識，只係會用咖啡機黎煲奶。

想知道打奶泡係咩一回事，又唔想行落街去睇咖啡師「演出」，可以睇以下呢段短片。
(曾老師話我地要善用網路上嘅資源，所以唔需要親自出馬拍片。)

咖啡製作重點二(拉花)

　

大家或許唔知道拉花係啲咩，不過睇到以下呢幾張圖片，一切都明白哂。

(以上照片特別鳴謝以前的同事大方地提供)
除左動物之外，大家平時見得最多嘅係花、薑餅人。要拉出可愛嘅圖案、角色絕對唔容易，一個失神、一個大意就會污染哂成杯咖啡，結果又要重新黎過。所以拉花係一個奢侈又要有耐性嘅藝術，亦因為呢種藝術，令到唔少咖啡店以高超拉花技術去吸引客人光顧。因為而家嘅咖啡師仲會再上一層樓，挑戰動漫中嘅角色！不過呢啲境界，絕對唔係我可以達到嘅，所以都係睇下網上高人嘅示範啦！

　

唯一一杯成功的咖啡(凍焦糖咖啡，iced caramel latte)

喺咁多種咖啡當中，個人最鍾情嘅係凍焦糖咖啡。因為佢係我生平第一杯沖出黎比自己飲嘅咖啡，而且前面講到我唔識打奶泡，所以唯有動手整凍飲！簡單說明一下配方，凍飲係唔需要打奶泡，只需要倒奶同唧忌廉就可以喇！正確配方我真係唔記得，除左要有「小山丘」咁多嘅冰(所以凍飲通常都呃人錢就係咁解XD)。

不過味道方面，個人認為佢係甜得黎唔過份，比mocha更突出咖啡原有味道。以我呢個甜食愛好者黎講，呢杯咖啡味道真係唔錯(自己讚自己)。可惜，曾經試過OU CLUB集團果間嘅焦糖咖啡，味道好苦，而且額外要多些少焦糖糖漿，都解決唔到苦味嚴重嘅問題……明明係同一款咖啡，味道可以差咁遠，真係有啲難過。所以話呢，一杯好嘅咖啡真係難沖架！