考試特別篇：提神飲品

話咁快又到四月，考試嘅季節又到。相信大家都試過開夜車溫書，第日朝早個頭必定會溫溫地，特別係考果日嘅朝頭早。唔知大家又會用咩方法提神呢？筆者就有少少關於飲食嘅提神方法，希望幫倒大家:3

第一式：葡萄適

「大敵當前個腦無曬力……反擊，就要靠葡萄適！」考試之前飲葡萄適應該都係好多人嘅習慣，因為大家都要反擊考試 :P

唔知飲完個腦係咪真係強勁左呢？筆者一向都有呢個習慣，考試前十五分鐘就會飲一支(飲完又會後悔，因為會急尿-///-)。飲完之後好似又真係會有D幫助，不過有時又好似冇咁，可能係有一兩日個腦塞車葡萄糖直衝唔倒大腦。對於葡萄適嘅功效，筆者一向都係半信半疑，不過係我懷疑佢嘅同時我又會毫不猶疑咁起考試前買一支黎飲。飲左，個人又好似安心左D，我諗呢樣野先係葡萄適嘅真正威力。所以葡萄適嘅作用就好似平安符咁，幫唔倒你提神，都可以令你安心，廣告嘅威力啊啊啊啊啊啊啊啊啊啊啊！

PS：所以為求平安考試前都係買支黎飲啦，保平安嘛.__.


第二式：雞精

記得有一年筆者聽人講話考試前「啪」兩支雞精會成個人醒曬，所以就跟住做。話說雞精嘅味就唔太討好，不過為左考試都冇辦法啦。「啪」完之後，個人又真係醒左好多(果晚開完夜車)，好似比葡萄適更有用同實際，所以都係一個唔錯嘅選擇。不過筆者皮膚唔好，飲完之後唔知點解會敏感，所以之後都冇再試。(同埋雞精都幾貴下@@)

第三式：鷹牌花旗參

呢招係筆者以前一位補習老師教落的：「將三包鷹牌花旗參(佢講明一定係要呢個牌子)倒埋一齊，然後用水開成「一啖」嘅份量。」佢話佢好多讀醫科嘅朋友都係咁做，至於點解要三包開成一啖嘅份量，果位補習老師就話：「因為濃D嘅時候身體就會吸收得快D！」

記得果年我考CE，考數學科果時我就係用左呢招。果朝早飲完之後，個人真係好似突然有少少「上電」嘅感覺，考試果時真係好精神，不過D數都係唔識計(因為筆者不嬲都唔識計數-W-)，結果筆者就好精神咁坐左起度等收卷=3=

結果係，呢招真係幾WORK架，不過都會有副作用。記得果位補習老師仲講到：「拿，呢招有效時間係三個鐘，三個鐘後就會失效！」又真係幾準，三個鐘之後筆者即刻戰鬥力全失(謝過謝拉特)，果日返到屋企攰到即刻大教瞓左成日。

其實講到尾，呢D所謂提神嘅飲品或方法都只不過係幫你提升集中力，好似信用卡咁俾你預先使用你嘅精力，用完都係要還的(即係都要瞓教黎補充返用透支左嘅精神)，飲左唔會識飛，考試唔會唔識都變識。

所以……都係早D溫書啦……………………(SOSAD

仲有，以上純粹個人經驗嘅分享，並無科學根據。如果有人用以上方法導致意外，一概與本人無關XDDDDD

圖片來源：GOOGLE圖片