老壇酸菜牛肉麵— —正

食公仔麵既經歷，相信香港人一定經歷豐富，筆者都試過大大小小不同牌子的公仔麵，出前一丁、公仔、御前、農心等等，仲有不能盡數的大陸及台灣雜嘜！今次要同大家介紹既呢款統一牌公仔麵，係筆姐家姐返大陸旅行時買的，買左2個，當手信送俾我同細妹，介紹佢既時候：「唔好以為我食淨之後，剩低既倉貨，呢隻杯麵超好味，我係梅州既時候買既，香港都唔知買唔買到！」講完之後，我就對佢(杯麵)好有興趣，隔左幾日，今日終於開黎試。打開杯蓋，有三小包配料，配料睇落都幾有睇頭，打關之後，係有好多酸菜，不過就無肉，要自己加......等左三分鐘，睇個款都唔錯，入口好酸好正，而且酸中帶辣，唔知係唔係本人家鄉係位於潮汕區，對酸菜係特別偏愛，所以真係覺得好好味！相比汕頭酸菜，雖則還有少少距離，但係可以於杯麵中食到這種份量，又味道不錯的酸菜，人仔數元就就可以試到。雖然香港未必可以買到，但返大陸旅行搭車時，見到佢都不妨買一個試試！