是日講「放題」。「放題」大家聽得多、食得多，對「放題」嘅認識大抵就係任食、刺身、旺角、多人，離唔開呢幾個關鍵字眼。因為可以任食、因為有刺身，所以尋晚去慶祝友人生日時，決定食豪啲－－食「放題」，因為友人極之鍾愛三文魚刺身。
不過對於「放題」，原來呢個字眼係被香港人誤解左架喎。今日上維基望望，真正代表任食嘅日文唔係「放題」，「食べ放題」（任食）、「飲み放題」（任飲）先至係正解。（熟識日文嘅同學們有錯的話請多多指教:D）原來自己食左咁多次都一直講錯，真係失敬失敬喇。不過始終唔識讀日文，淨係識漢字的話，都係叫番佢做「放題」啦ＸＤ
以前一直光顧旺角樓上店鋪嘅放題，好似青葉、雷門、木村等等，座位都非常擠逼，侍應好似冇位行、客人坐得唔自然、食物點極都唔夠數……幸好相對便宜，點多幾次都總會食飽飲飽。不過今次想試下其他地方嘅放題，於是去左荃灣。
筆者同友人一入到去都覺得裝修唔似平時食開嘅放題，通道好闊、燈光幾猛、唔嘈吵，坐得舒適過以前。點菜時，友人非常高興地點刺身，筆者就揀緊有咩鐵板燒物。
講食材質素，其實每一間放題都類同，刺身大唔大塊、燒物燒得香唔香，大抵都係差唔多。但值得一提嘅係份量：
根據友人食後感想：寫幾多比幾多，唔會點十塊先比得五、六塊，結果又要點多幾次、吹多幾次。而喺友人極力游說兼威脅之下，從來唔食刺身嘅筆者都試左一塊三文魚刺身。唔係唔好食嘅，但筆者唔太喜愛呢種質感，都係火炙三文魚壽司好食，佢好似淋左Ｄ鰻魚汁落去，令壽司味道突出唔少。
除左壽司之外，佢有特別嘅熟食。
日式蒸蛋：雖然筆者討厭食上面嘅菜，不過蒸蛋部分好滑好暖，好食，睇落細細杯但食完都飽。
鴨胸配左一個莫名地辣嘅醬，唔小心點左辣過WASABI :D
不過唔係難食嘅。其他熟食仲有冷麵、烏冬、雞翼、串燒等等，另外仲有鍋物，不過只有兩人的話就冇可能食得哂……
最後食完會送甜品，通常放題都會有甜品提供。今次係「食得到的雪米糍」，平時食嘅雪米糍會凍到結冰，咬唔落。呢個溶左雪食得到，算係咁啦:)
總結一下，以放題黎講，今次呢間算係唔錯架喇，食物質素正常，又有第二度冇得食嘅蒸蛋等等，最重要都係環境坐得舒服，所以筆者同友人都食得算滿意（我諗佢都係呱）。
食任食放題，都只係想開開心心食得多多，所以提供到一個舒適環境，客人坐得好就自然會黎食多幾次架啦。
相信大家去宜家家居，買得最多嘅未必真係傢俱。或者大家會好似我咁，每次去宜家家居都係睇下擺設、坐下沙發休息，然後去到最尾就係買個便宜嘅熱狗套餐食下。
筆者最鐘意食肉丸，純粹因為佢便宜同好食，而且只要你同餐務員講，佢就會配上意粉或者薯仔，要飽肚的話唔係難事（笑）。另外有為追求健康的人士設計嘅三文魚沙津、冰凍甜蝦、雞翼等等小食，有專為小朋友設計嘅兒童餐，有蛋糕、甜品，有餐包、忌廉湯，各式各樣嘅食物總會有一款合你心水。
顧名思義，「魚鱻」以魚湯為主，客人可選擇魚湯泡飯或魚湯米線，再配搭不同的佐料。其魚湯是以多種鮮魚熬成，色澤帶黃，味道的確鮮甜味美。只是相比起米線，筆者更為喜歡泡飯，特別是在寒冷的日子裡，配以熱騰騰的湯飯，真的令人滿足。而且，「魚鱻」的魚湯水準保持得不錯，筆者光顧多次，魚湯仍能保持一定的水準（不會變淡），相當不錯。
不過，筆者最喜歡的卻是「魚鱻」的招牌炸魚餅及古法吉列豬扒。這裡的吉列豬扒不錯，脆身、鬆軟，而且不會一口肉一口油，遺憾的是有時候會「膿」了一點。而炸魚餅則令筆者對鯪魚餅改觀，筆者對鯪魚餅的印象一向是「淋」、味道一成不變的。不過這裡的招牌炸魚餅卻很彈牙，而且很香口，筆者最喜歡香口的食物了。
佢嘅外形都幾靚，圓碌碌的，有d花紋點綴。
